Non – Konpozisyon – Syèj sosyal
Atik 1.- Mityèl solidarite ki gen stati
sa a rele « vizyon mityèl » tigwav
Atik 1-1.- Vizyon mityèl la se yon
mityèl solidarite sosyal ak ekonomik ki pa nan politik
Atik 2.- Vizyon mityèl, gen kòm manb,
peyizan, moun nan vil tigwav e latriye.
Atik 2-1.- Tout manb vizyon mityèl la,
youn dwe konn lòt epi konnen kisa lòt ap fè kòm aktivite sosyal ak ekonomik epi
kote yap viv.
Atik 3.- Syèj sosyal vizyon mityèl la
sitiye nan enpas Samyèl Jeremi (nan antre lekòl pyèbatis), asanble jeneral la
gen dwa chanje lokal la.
Atik 4.- Deviz vizyon mityè la se
« An’n kwape lamizè »
Atik 5.- Tout manb Vizyon Mityèl la dwe
pale yon sèl lang ki se kreyòl nan rankont yo, paske tout lòt moun dwe konprann
sa kap fèt epi sa kap di.
Atik 5-1.- Tout manb ki vyole prensip sa
ap tonbe anba yon penalite kote lap prezante eskiz piblik nan reyinyon kap vini
epi peye 15 goud
Atik 5-2.- Si ta gen yon etranje oubyen
yon moun ki pa pale kreyòl ki vinn nan reyinyon vizyon mityèl la pou yon rezon
byen defini, asanble jeneral la ap fè chwa yon manb pou tradui an kreyòl.
Atik 6.- Vizyon mityèl la fonde pou yon
dire kip a gen limit. Men tout fwa otorite lajistis, DGI, ministè enteryè ak
kolektivite teritoryal, ministèafè sosyal kapab mande nou mete fen ak aktivite
nou sita gen mavèzasyon ak tout lòt bagay ki kontrè ak la lwa.
Atik 7.- Objektif Vizyon Mityèl la rezime
konsa :
a) Chanje
lavi sosyal ak ekonomik moun ki nan lokalite tigwav ak lòt lokalite ki
anviwonen li yo pandan yap fè bon jan solidarite
b) Itilize
resous ki gen nan komin tigwav ak sa nap resevwa kòm èd pou nou devlope vizyon
mityèl la
Atik 8.- Wòl vizyon mityèl la antanke
asosyasyon finansyè, sosyal ak ekonomik se :
1)
Mete nan chak
zòn yon sistèm finansman san repwòch
2)
Pèmèt manb li
yo jwenn kredi nan bon kondisyon
3)
Anpeche manb li
yo ale pran ponya
4)
Pèmèt manb li yo
òganize ak fasilite echanj nan mitan yo sou pwoblèm ke yap fè fas tankou sa ki
gen rapò ak anviwonman an elatriye
5)
Lite kont lespri
rayisab ak mechanste ke nou itilize pou anpeche pwochen nou yo grandi
ekonomikman
6)
Pèmèt nou aprann
kotize nan bon jan solidarite pou nou ka fè fas ak kèk pwoblèm ke kominote a ap
fè fas.
7)
Pèmèt
òganizasyon sa fè ti pwojè pou kont li san li pa bezwen èd lòt enstitisyon pou
nenpòt ki bagay
Atik 9.- Vizyon mityèl, kòm
tout lòt mityèl solidarite pa la sèlman pou regle zafè lajan, men li la poul
voye je, tande, koute tout koze kap pèmèt manb li yo ak kominote kote yap viv
la devlope nan kò yo ak nan lespri yo
Kondisyon pou yon moun manb Vizyon Mityèl la
Art 10.- Pou yon moun manb Vizyon Mityèl
la fòk li ranpli tout kondisyon sa yo :
1) Fòk
li ranpli yon fòmilè enskripsyon epi patisipe nan tout aktivite Vizyon SDJ yo
2) Fòk
moun nan gen laj ak kapasite pou konprann kisa chanje lavi nan tèt vle di
3) Fòk
kominote a pa konnen moun sa a kòm chimè ak kriminèl
4) Fòk
moun nan pran angajman ke lap koube anba tout lòd ak prensip ke manb vizyon mityèl
la te vote pou yo respekte
5) Fòk
moun nan pran angajman poul patisipe nan tout reyinyon sof na ka de fòs majè,
pwoblèm politik
6) Fòk
moun nan gen yon bon pase onèt ak kredib
7) Peye
yon frè pou materyèl
Oganizasyon ak fonksyonman Vizyon Mityèl la
Atik 11.- Vizyon mityèl la òganize
konsa :
1) Yon
asanble jeneral
2) Yon
komite ki soti nan asanble jeneral la ke manb yo te vote
3) Yon
bann materyèl ak dokiman kontab: kaye/kanè/fich pèsonèl ak 3 kès
Atik 12.- Se asanble jeneral la ki gen
ki se sèl chèf Vizyon Mityèl la, sa vle di se tout manb yo ki chèf mityèl la.
Desizyon asanble a se wi epi amèn.
Atik 12-1.- Gen asanble jeneral se lè
gen pou pi piti 51 % manm ki reyini
Atik 12-2.- Asanble jeneral la reyini
chak dezyèm ak katriyèm jedi nan mwa yo. Lè reyinyon an se 3 zè nan aprè midi
nan ri samyèl jeremi, men si gen rezon fòs majè oubyen yon ijans asanble a ka
chwazi yon lòt lè, yon lòt jou, yon lòt andwa pou fè reyinyon
Atik 12-3.- Wòl asanble jeneral la
se :
1) Fè
Vizyon mityèl la òganize yon jan pou tout manb li yo santi yo alèz ladann ak
gen bon jan kontwòl
2)
Veye ke chak
manb nan komite a fè travay li kòm sa dwa
3)
Chache konnen ki
oryantasyon komite a ap bay Vizyon Mityèl la pandan ke yap rete nan kad ide
sosyal ak finansman popilè
4)
Pran pozisyon
sou pwoblèm ke komite a ak zòn ki anviwonen’l yo ap rankontre
5) Fè
eleksyon pou mete komite nan tèt Vizyon Mityèl la
6) Pran
sanksyon kont tout manb ki pa vle respekte prensip ak règleman ki tabli nan
vizyon mityèl la